Pasi mbajti shfaqjen në Madison Square Garden në shkurt dhe erdhi me një album të ri dhe koncert, e vetmja mënyrë që Kanye West të paraqitej në Javën e Modës në Nju-Jork ishte që të merrte me qira një ishull të tërë. Dhe kështu bëri!
Reperi dhe dizajnuesi 39-vjeçar transportoi elitën e modës së Nju-Jorkut, bashkë me listën e miqve celebrities, në Ishullin Roosevelt të mërkurën, duke detyruar editoret e revistave më të mëdha, blogeret dhe yjet e stilit të rrugës, për t’i hipur autobusëve në Midtown Manhattan që t’i dërgonte në ishullin në lindje të qytetit.
Atje, në Parkun Franklin D. Roosevelt Four Freedoms rreth një orë e gjysmë nga koha e planifikuar për në orën 15.00, Kanye prezantoi koleksionin Season 4 në një shfaqje me një pasarelë të gjatë, ku disa prej modeleve u ranë të fikët, ndërsa të tjerat u penguan disa herë në pasarelë.
Ngjarja e pasarelës u fsheh nga polemikat, edhe kur vjen fjala për ftesat misterioze të Kanye. Ndërsa sezonin e kaluar ai u dërgoi ftesa si xhaketa që mund të vishen, këtë vit ishin me fat ata që morën karta të bardha mëngjesin e ditës së shfaqjes, që ishin të printuara vetëm me datën dhe ditën, vendndodhjen dhe njoftimin se “performanca” ishte orkestruar nga artistja italiane, Vanessa Beecroft, me të cilin Kanye ka bashkëpunuar në të kaluarën.
Të ftuarit u informuan se duhet të hiqnin dorë nga makinat tradicionale dhe në vend të tyre të lejoheshin që të transportoheshin drejt skenën me një autobus, që nisej nga një vendndodhje e caktuar në Midtown Manhattan në orën 13.30, më shumë se një orë e gjysmë para se shfaqja ishte planifikuar të niste.
Shumë prej të ftuarve u shprehën se patën dhimbje barku, pasi u bllokuan në autobus, të cilit iu deshën më shumë se një orë për të arritur në skenë, pavarësisht se ishte vetëm gjashtë milje larg.
Të ftuarit fillimisht shkruan për detyrimin që duhet të shkonin te autobusi një orë e gjysmë para se shfaqja të niste, shtuar edhe mungesës së ajrit të kondicionuar. Reporteri i “New York Times Styles” shkroi se ky sezon i “Yeezy” ishte “në thelb një udhëtim i shkollës së mesme”. Ndërsa një tjetër shkruante se, “ishte sikur na kishin rrëmbyer”, kurse një tjetër i ftuar kërkonte ndihmë: “Tualeti nuk punon. Yeezy na shpëto!”.
Në mes të barit, ishte një turmë vajzash “vetëm shumë-racash” dhe disa nga pjesëmarrësit i ngatërruan ato me modelet. Ato ishin veshur me tanga dhe të brendshme, të gjitha ta zbathura.
Pasi shfaqja nisi një orë e gjysmë me vonesë, femrat që kishin veshur pak më me shumë rroba u shfaqën në pasarelë, të vendosur përgjatë barit.
Ato u shfaqën të veshura me bluza më kapuç, fustane me golf, pantallona dhe pulovra, me aksesorë: çantat e shpinës, bizhuteritë e reja të Kanye dhe çizmet, përfshirë ato të gjatat të dukshme që Kim veshi në fillim të kësaj jave.
Supermodelet Chanel Iman, Sofia Richie dhe Teyana Taylor, e cila mori pjesë në videon e fundit “Fade”, ishin mes emrave të njohur të modelingut.
Yeezy/ Sofia Richie modelon në sfilatën e Kanye… by icon-style1
Gjithashtu pati edhe disa incidente me modelet, që tërhoqën komplet vëmendjen nga pasarela. Disa nga modelet që qëndronin në bar, që pritën më shumë se një orë në vapë, iu deshën që të uleshin dhe pjesëmarrësve iu desh që të jepnin shishe me ujë për femrat që po vuanin.
Ish-e dashura e Tyga-s, modelja Amina Blue, vuajti gjatë ecjes në pasarelë me këpucët e dukshme plastike, të cilat ajo vendosi që t’i hiqte në mes të shfaqjes për të vazhduar pasarelën këmbëzbathur, e gjitha kjo ndërsa ish-i i saj dhe e dashura e tij, Kylie Jenner po e shikonin.
Por ishte gjendja e modeleve që po luftonin të nxehtin, që të ftuarit t’i ndihmonin, ndërsa stafi i Yeezy nuk bëri asnjë lëvizje, ku njëra prej tyre u shoqërua gjatë sfilatës nga një prej pjesëmarrësve.
Yeezy/ Modeles i bien të fikët by icon-style1
Stella Bugbee, editore e “New York Magazine”, shkroi se ajo dëshironte të largohej, por u ndje “e detyruar” që të kujdesej për modelet që po vuanin.
Në këtë pikë mund të themi se “Adidas” duhet të “turpërohet”, pasi disa prej modeleve pothuajse u rrëzuan gjatë sfilatës.
*Shfleto galerinë
Sfilata e Kanye West, Java e Modës në NJu-Jork by icon-style1
Burimi: Daily Mail
