“Po rrezikoj karrierën, jetën, statusin tim publik duke e thënë”, kështu e nisi reperi amerikan Kanye West deklaratën shokuese për kolegen por edhe miken e tij Beyonce, gjatë koncertit në Sacramento, Kaliforni.
Ai foli për diçka që nuk mund ta mbante për vete dhe që nuk e priste nga Beyonce, të cilën vite më parë e mbrojti në skenën e MTV kur në vend të saj fitoi Taylor Swift.
“Beyonce, u zhgënjeva nga ti kur të dëgjova të thoje se nuk kishe ndërmend të këndoje nëse nuk merrje çmimin “Videoklipi i Vitit” në garë me mua dhe “Hotline Bling”.
Sikur të mos mjaftonin këto, Kanye West e mbylli deklaratën me sloganin e Donald Trump: “Ta bëjmë Amerikën të madhe përsëri!”, çka shkaktoi turfullima në publik.
Vetëm pak ditë më parë, West doli në të gjitha mediat sepse deklaroi se, nëse do të kishte votuar, do të kishte zgjedhur Donald Trump.
