Reperi i famshëm Kanye West ka njoftuar se do të ndryshojë emrin e tij të artit. Përmes një postimi në Twitter ai ka shkruar se nga tani e tutje do që të thirret me emrin YE.
“Zyrtarisht njihem si Kanye West, unë jam YE” – ka shkruar reperi.
West e ka përdorur emrin e tij për një kohë të gjatë në karrierën muzikore, por që në muajin shkurt ai kishte thënë se do të përdorë shkurtimin e emrit të tij në albumin e tij të tetë.
“Unë besoj se ‘ye’ është fjala më e përdorur në Bibël dhe në Bibël do të thotë ‘ju’ “- tha ai.
“Kështu që unë jam ju, unë jam ne, ne jemi ne. Shkoi nga Kanye, që do të thotë i vetmi, vetëm Ju – thjesht një reflektim i së mirës sonë, të keqes dhe gjithçka ” – shtoi reperi.
Kujtojmë që West nuk është artisti i parë që ndërron emrin pasi ka ndërtuar një karrierë të gjatë.
Në vitin 1993, Prince ndryshoi emrin e tij të skenës nga Prince në Warner Bros. Reperi Sean Combs ka qenë i njohur si Puff Daddy, P Diddy, Diddy dhe Brother Love, ndërsa Snoop Dogg shkurtimisht e ndryshoi emrin e tij në Snoop Lion.
