Reperi Kanye West është rikthyer në rrjetin social Twitter me disa deklarata të fuqishme, por ka humbur një numër të madh ndjekësish të cilët janë zemëruar me të.
Plot 9 milionë ndjekës iu larguan nga rrjeti social, por ajo që është e çuditshme është se një pjesë e tyre janë vetë familja e tij.
Këtë mëngjes Kylie Jenner, Kourtney Kardashian dhe Khloé Kardashian e kanë bërë “unfollow” kunatin në Twitter. Ndërsa Kris Jenner i ka habitur të gjithë me vendimin për ta ndjekur Kanye-n në rrjetin social, pas raportimeve se mes tyre ka pasur një sherr të madh (lexo këtu).
Por çfarë ndodhi që fansat u larguan papritur?
Epo, mund të themi se Kanye West ka shprehur mbështetjen e tij për presidentin e Amerikës, Donald Trump, madje shkon deri aty, saqë e quan “vëlla”.
Kanye publikoi një foto të kapeles së tij personale që mban logon që përdorte Trump gjatë fushatës presidenciale: ‘Make America Great Again’.
Por familja e madhe Kardashian-Jenner duket se nuk është dakord me këtë vendim të reperit, dhe jo vetëm ata por edhe një numër i madh të famshmish të tjerë si: Harry Styles, Kendrick Lamar, John Legend, Chrissy Teigen, 2 Chainz dhe Rihanna.
E vetmja që nuk është as pro as kundër kësaj që po bën reperi, është bashkëshortja e tij Kim, e cila po mundohet të shuajë zjarrin.
Pas revoltimit familjar ndaj bashkëshortit të saj dhe akuzave të fansave se Kanye mund të ketë “probleme mendore”, Kim ka reaguar në Twitter, duke mbrojtur të drejtën e tij për të pasur një mendim (edhe nëse është kundër tij). Ajo u kërkon mediave dhe fansave që të ndalojnë dhe të mos e quajnë këtë një “çështje të shëndetit mendor”:
“Ai është një mendimtar i lirë, a nuk është e lejuar kjo në Amerikë? Për shkak se disa nga idetë e tij ndryshojnë nga tuajat, ju duhet të flisni për shëndetin mendor? Kjo nuk është e drejtë. Ai në të vërtetë po tregohet vetvetja dhe është shumë ekspresiv”.
“Kur ai foli për Trump … Shumica e njerëzve (duke përfshirë edhe veten time) kanë ndjenja dhe mendime shumë të ndryshme për këtë. Por ky është opinioni juaj. Unë besoj se njerëzit janë në gjendje të kenë mendimet e tyre, edhe nëse vërtet është i ndryshëm nga i imi. Ai kurrë nuk tha se pajtohet me politikën e Trump”.
Miku i familjes John Legend ka reaguar gjithashtu, duke shpjeguar se pse është kaq e dëmshme që njerëzit të bëjnë një sy qorr për problemet reale që ndodhin në Amerikë:
