Në vijim të rrëfimeve në Twitter të Kanye West, i cili po shokon gjithë fansat me deklaratat e tij, reperi i njohur ka zbuluar se ka dashur të divorcojë Kim Kardashian që para dy vitesh.
Kanye, i cili po kandidon për President të SHBA -ve, ka treguar se Kim u përpoq që ta mbyllte në spital psikiatrik bashkë me dy mjekë. Ai shkroi të Twitter se ka dashur ta divorcojë bashkëshorten, që kur ajo u takua me ish-in e Nicky Minaj për të folur për reformën në drejtësinë penale.
“Unë jam përpjekur të divorcohem që kur Kim u takua me Meek në Warldolf për “reformën e burgut”, u shpreh ai duke iu referuar kohës kur ish-i Nicky Minaj dhe Kim u bashkuan për të folur në Samitin inaugurues të Reformës në Drejtësinë Penale në Los Angeles në nëntor 2018.
Kanye, i cili është baba i katër fëmijëve me Kim, akuzoi gjithashtu vjehrrën Kris Jenner për “supremaci të bardhësh”, ndërsa ndau mesazhet private që i kishte dërguar asaj, ku i kërkonte që të flisnin ose ndryshe do t’i shpallte luftë.
Kjo deklaratë vjen pas komenteve të çuditshme të bëra nga Kanye ditët e fundit, i cili zbuloi se Kim e kishte konsideruar të abortonte vajzën e tyre North, që sot është 7 vjeç.
“Unë desh vrava vajzën time”, u shpreh ai duke qarë, në nisje të fushatës presidenciale.
Sjellja e reperit në javët e fundit ka ngritur shqetësimin se ai është në mes të një krize të shkaktuar nga çrregullimi i tij bipolar – një gjendje për të cilën ka folur publikisht në të kaluarën.
Dje mediat shkruanin se Kim po e përjeton shumë keq këtë situatë dhe mendon se partneri i saj vuan nga bipolariteti. Të gjithë mendojnë se martesa e tyre nuk do t’i mbijetojë dot kësaj krize.
“Ka dashur ta ndihmojë shumë Kanye-n, të qetësohet dhe të kontrollojë reagimet e tij në publik. Familja besoj se West vuan nga bipolariteti. Ai nuk dëshiron të marrë mjekime sepse mendon se ato i ulin kreativitetin, megjithatë ajo që ka pohuar për vajzën e tij, North i ka shokuar të gjithë. Kim ka punuar shumë për ta ndihmuar dhe nuk do ta lejojë West t’ia bëjë këtë fëmijëve të tyre”- kanë treguar burimet.
