Kanye West i dha Kim Kardashian një dhuratë të çmuar për ditëlindjen e saj të 36-të, të premten më 21 tetor. Reperi mblodhi pamje filmike të papublikuara më parë nga Kardashian kur ishte një vajzë e vogël, për t’i bashkuar në një video 5 minuta në nder të ditës së saj të madhe.
“Gëzuar Ditëlindjen zemër”, shkroi ai në “Tweeter” në mbishkrimin e klipit.
Në video, Kim shfaqet në mosha të ndryshme, bashkë me motrat e vëllain, si dhe babanë e ndjerë Robert Kardashian.
“Ajo takoi një djalë! Ajo ka një të dashur!”, thotë vëllai i saj në një moment të videos. Pamja filmike e realizuar me kamerë shënohet në janar të 1987 dhe është momenti kur Kardashian po i tregonte të atit për kampin veror të tenisit.
Në një nga klipet, klani mori një qen të vogël të bardhë për Krishtlindje dhe Kim nuk mund të ishte më e lumtur. “Prej vërteti! Një qen prej vërteti!”, thërret ajo e lumtur. Video përfundon me Kim që i thotë të atit të saj se e do, ndërsa mbyllet me shprehjen: “Të dua”.
Gjesti i ëmbël vjen pasi Kardashian u grabit në Paris nga pesë të maskuar, të cilët i vodhën bizhuteri me vlerë 10 milionë dollarë.
Ndryshe nga festimet e saj të zakonshme publike dhe luksoze, Kim kaloi një ditëlindje të qetë me familjen.
Happy Birthday babe pic.twitter.com/Ee38e4LVFj
— KANYE WEST (@kanyewest) October 21, 2016
Burimi: USMagazine
