Stilisti i njohur Virgil Abloh ndërroi jetë pak kohë më parë pasi luftoi me kancerin për më shumë se dy vjet. Ai ishte drejtor artistik i veshjeve për meshkuj për “Louis Vuitton” me një linjë mbresëlënëse pune në industrinë e modës. Me ndarjen e tij nga jeta, shtëpia franceze e modës po mendon për një zëvendësues.
Sipas raportimeve më të fundit, Kanye West mund të marrë përsipër pozicionin e Alboh pasi të dy kishin diskutuar një lëvizje të tillë përpara vdekjes së këtij të fundit.
Virgil Abloh u emërua drejtor kreativ i veshjeve për meshkuj në LV në vitin 2018. Ai lançoi linjën e tij të veshjeve, “Off-White”, në vitin 2013 dhe ka fituar një audiencë të madhe për koleksionet e tij. Kanye, nga ana tjetër, kishte bashkëpunuar me LV më shumë se dhjetë vjet më parë dhe atletet e tij ishin një sukses i madh në mesin e entuziastëve të modës. Shitjet e saj vjetore gjithashtu kaluan shifrën 1.5 miliardë dollarë në vitin 2019.
Sipas një raporti të fundit nga The Sun, para vdekjes së tij muajin e kaluar, Virgil Abloh dhe Kanye West kishin diskutuar mundësinë që Ye të merrte pozicionin e stilistit të ndjerë në kompaninë franceze. Raporti sugjeron gjithashtu se Kanye është duke u konsideruar për pozicionin e drejtorit kreativ në “Louis Vuitton”, për momentin.
