Reperi dhe stilisti Kanye West është akuzuar se ka kopjuar një tjetër artist, për idenë e fushatës së markës së modës Yeezy.
Fotot për të promovuar koleksionin e tij të ri Yeezy Season 6, u publikuan javën e kaluar.
Në shumicën e fotografive, modelet shfaqeshin nudo ose thuajse nudo, teksa mbanin veshur atlete.
Por, ndërsa imazhet u konsideruan tepër provokuese për shkak të natyrës së tyre të rrezikshme, një faqe në Instagram vuri në dukje se ato nuk janë në të vërtetë të gjitha origjinale.
“Diet Prada” ka zbuluar se fushata e re e Kanye-s përputhet shumë me punën e një artisti tjetër.
Ajo zbuloi se fushata e Season 6 që u realizua nga Eli Russell Linnetz, duket tepër e ngjashme me një projekt të artistit Rita Minissi, në vitin 2015.
Dhe sigurisht krahasimet e imazheve të Minissi-t dhe fushatës së re të Yeezy duken pothuajse të njëjta.
