Kim Kardashian është nënë e tre vogëlushëve dhe bashkëshortja e Kanye West, por asgjë nuk mund ta mbajë larg pozave përvëluese!
Ylli i reality show-t la me gojë hapur të gjithë fansat në profilin e saj në “Instagram” me selfie-n e fundit dhe jemi shumë kurioz të dimë, nëse ka përdorur asistenten apo kyçi i dorës i është shëruar.
Me flokët kaçurrela dhe me grimin perfekt, Kim Kardashian duket si një kukull teksa qëndron e shtrirë në shtrat. Ajo mban veshur një palë bikini super të vogla të markës “Channel”, teksa pozon me gjuhën jashtë.
Pak ditë më parë, Kim zbuloi gjatë klipit të “Keeping Up With The Kardashians” se Kanye po përpiqej të menaxhonte postimet e saj në “Instagram” dhe për këtë arsye debatuan. Por siç e shihni, Kanye të flasë sa të dojë, në fund të fundit është profili i Kim Kardashian.
Kim dhe Kanye janë të martuar prej katër vitesh dhe kanë tre fëmijë, North 5 vjeç, Saint 2 vjeç dhe vogëlushen Chicago 9-muajshe.
