Kanye këtë herë e mërziti me të vërtetë shumë Kim dhe marrëdhënia e tyre ka pësuar një krizë!

Që Kanye West s’po kalon një periudhë të mirë kjo dihet tashmë.

Në nisjen e tubimit të parë presidencial në Karolinën e Jugut të dielën, reperi mbajti një fjalim mjaft emocional dhe disi të çuditshëm, ku foli për qëndrimin e tij kundër abortit dhe eksperiencën personale.

Ai tronditi me deklaratën e tij duke treguar se ai dhe Kim, 39 vjeç, kanë menduar të abortojnë vajzën e tyre të parë, North, që tani është 7 vjeçe. Mirëpo, reperi zbuloi se ata vendosën ta mbanin vajzën pasi Zoti i dërgoi një mesazh teksa po punonte në laptopin e tij në Paris.

Po ashtu, West shtoi se nëse gruaja Kim do të divorcohej nga ai pas pretendimeve për abortin, ai do të ishte në paqe pasi ata sollën në jetë North-in. (Lexo këtu)

Mirëpo, këto deklarata nuk i kanë pëlqyer aspak bashkëshortes së tij Kim, e cila është mërzitur dhe nevrikosur shumë.

Një burim i ka thënë “People” se 39-vjeçarja mendon se gjërat e tyre private duhet të mbeten të tilla dhe jo të ndahen me persona të tjerë.

“Kim është tronditur që Kanye foli për North. Ajo është e zemëruar që ai ndau diçka kaq private”.

Burimi shton se shqetësimi kryesor i Kardashian West është se deklaratat e burrit të saj për jetën e tyre private mund të prekin katër fëmijët e tyre (North, 7 vjeç, Saint, 4 vjeç, Chicago, 2 vjeç dhe Psalmi, 1 vjeç).

Një burim i dytë shton se marrëdhënia e çiftit ka filluar të ketë probleme për shkak të sjelljes së West.

“Gjërat janë shembur në mënyrë të konsiderueshme mes dy prej tyre, dhe kjo ka ndodhur krejt papritur”.