Dhjetëra supermodele u mblodhën të dielën në Festivalin e e 70-të të Filmit të Kanës, por jo për të parakaluar në tapetin e kuq.
Naomi Campbell mblodhi mikeshat e saj për të organizuar një natë bamirësie të quajtur “Fashion for Relief”. Kendall Jenner, Bella Hadid, Kate Moss, Heidi Klum etj, prezantuan koleksionin e Diesel’s Child At Heart (Fëmijë në zemër), për të mbledhur para për organizatën “Save The Children”.
Shfaqja ishte e mrekullueshme falë veshjeve të shndritshme. Bella Hadid, 20 vjeç, tërhoqi vëmendjen në një fustan të tejdukshëm që i tregonte mbathjet e bardha.
Supermodelja Kate Moss, 43 vjeç, vodhi vëmendjen me një veshje pak më të matur sesa modelet e tjera. Edhe pse kishte mbuluar më shumë se herët e tjera, ajo dukej elegante me një xhaketë sportive të përzier me dy ngjyra dhe me rruaza nga Atelier Versace.
Ndërkohë, Heidi Klum, 43 vjeç, la pak vend për imagjinatën, teksa tregoi të brendshmet e bardha poshtë një fundi me shirita të ndritura por të tejdukshme.
Kendall Jenner gjithashtu shkëlqeu me një sërë veshje të ndryshme, nga klasikja te modernja. Në fund të shfaqjes modelet u shfaqën me një bluzë ku shkruhej: “Fëmijë në zemër”.
