Bedri Elezi, Drejtori i Sigurisë pranë Institutit të Marrëdhënieve Ndërkombëtare në Kosovë, ka deklaruar se autoritetet kurde kanë kërkuar nga vendet që kanë shtetas të tyre në Siri, që të fillojnë tërheqjen dhe riatdhesimin e tyre.
Në një intervistë për Abcnews, Elezi ka deklaruar se tërheqja e shtetasve që ndodhen në kampin Al Hol është dhe një presin nga ana e autoriteteve kurde.
Elezi ka theksuar se “Kampi Al Hol do të mbyllet së shpejti dhe të gjithë personat që ndodhen aty do të shkojnë një një kamp tjetër, që njihet si Roi. Autoritetet kurde nuk kanë mundësi ekonomike që ta mbajnë hapur kampin Al Hol. Kjo është një rrugë që është ndjekur dhe më parë nga autoritetet kurde, për të kthyer në vendet e tyre gratë dhe fëmijët e ngelur në Siri.
Theksoj se ka qenë një kërkesë ndaj shteteve që kanë banorë në këtë kamp, dhe Shqipëria është përgjigjur kësaj kërkese, ne kemi ndihmuar në lehtësimin e kontakteve me autoritetet kurde që kanë dhe kampin nën kontroll.
Është një presion nga ana e autoriteteve kurde ndaj shteteve për të marrë shtetasit e tyre. Përsa i përket Shqipërisë, Kosovës dhe Maqedonisë kanë shtetësitë e tyre, dhe pritet që të gjithë banorët që ndodhen në kampin Al Hol do të kthehen në vendin e tyre ndërsa pjesa e ngelur do të transferohet në kampin Roi”, ka thënë eksperti i sigurisë, Bedri Elezi.
Ndër të tjera Elezi ka deklaruar se pas riatdhesimit të fëmijëve dhe grave, pritet që autoritetet kurde të kërkojnë nga shtetet përkatëse dhe tërheqjen e luftëtarëve të ISIS që ndodhen në burgjet a atjeshme.
Burimi: Abcnews.al Përshtati: GazetaReforma.com.
