Një ngjarje e rëndë ka ndodhur gjatë orëve të para të mëngjesit, ku është qëlluar me armë drejt një lokali dhe banese në Kamëz.
Ndërsa pak minuta më vonë, ka ndodhur edhe një shpërthim eksplozivi.
Mësohet se nuk ka persona të lënduar, por vetëm dëme materiale në lokalin “Kaslin” në Kamëz si dhe tek makinat e parkuara pranë objektit.
“Ballkanweb” raporton se në momentin e ngjarjes brenda në shtëpi ndodhej e gjithë familja Halili, pronare e lokalit.
Ata janë shprehur se nuk kanë asnjë konflikt dhe nuk dinë të thonë se kush është autor i sulmit.
Ndërkohë që kamerat e sigurisë kanë arritur të rregjistrojnë personat që qëllojnë me armë dhe pritet identifikimi i autorëve nga Policia.
