Ish-presidenti i SHBA-ve, Bill Clinton shpërtheu në lot, kur një kamerier shqiptar në një restorant në New York, i tha se ai i kishte shpëtuar jetën.
Bill dhe Hillary Clinton po darkonin në restorantin “The Seafire Grill” natën e premte, kur një nga kamerierët ishte ulur në gjunjë para tyre duke iu thënë: “O Zot, dua t’ju falënderoj. Nëse nuk do të ishte për ju, unë nuk do të isha gjallë sot”.
Kamerieri i tregoi çiftit një histori pikëlluese të kohës së tij në Kosovë, kur ishte e shkatërruar nga lufta. Ai u largua nga Kosova në moshën 16-vjeçare, pasi babai i tij dhe anëtarët e tjerë të familjes ishin torturuar nga ana e jugosllavëve gjatë luftës, raporton TMZ.
Tani, kamerieri 32-vjeçar, i cili erdhi në SHBA në vitin 1999, ia dedikon jetën e tij ish-presidentit. Në kohën kur Bill ishte në krye të SHBA-ve, Amerika ndërmori një fushate bombarduese të NATO-s në vitin 1999 për të detyruar trupat jugosllave të dilnin jashtë territorit, duke i hapur rrugën Kosovës, për t’u shpallur e pavarur nëntë vjet më vonë.
Kur kamerieri mbaroi së foluri, Bill kapi dorën e shqiptarit dhe qau. Kamerieri foli në kushte anonimiteti për shkak të frikës së ndjenjave të anti-emigracionit dhe asnjë foto e tij nuk u botua.
Pas darke, çifti Clinton u takua me anëtarët e tjerë të stafit në restorant, shumica e të cilëve janë shqiptarë.
