43 persona humbën jetën nga shembja e Urës Morandi në Xhenova, mes të cilëve 2 të rinj shqiptarë.
Ngjarja e rëndë u shënua më 14 gusht, ndërsa ditën e sotme janë bërë publike pamjet gjatë rrëzimit të urës, të cilat u regjistruan nga kamerat e sigurisë dhe u shpërndanë nga Guardia di Finanza.
Xhirimet janë kryer nga kamerat e vendosura në objektet poshtë urës. Siç duket masivet e betonit të urës së shembur zënë poshtë disa automjete. Në video është pjesa e daljes nga ishulli ekologjik i rrugës, ku dhe është kapanoni i fabrikës së riciklimit e cila u prek pjesërisht nga rrëzimi i urës.
Operacioni për gjetjen e trupave ka përfunduar, ndërsa në spital vijojnë të qëndrojnë të shtruar 9 prej të plagosurve, 4 prej të cilëve janë në gjendje të rëndë.
Tragjedia e Xhenovës ka vënë në lëvizje edhë shumë shtete evropiane, si Francën, Gjeramninë dhe Britaninë, të cilat po përgatiten për nisjen e kontrolleve teknike në urat e mëdha.
