Mozzik është një prej reperëve më të suksesshëm shqiptar, i cili me muzikën e tij i ka bërë për vete fansat e tij të shumtë.
Mirëpo ndërkohë që shohim se si Mozzik po shijon sukseset e njëpasnjëshme të këngëve të tij, ai nëpërmjet disa postimeve në InstaStory na ka treguar se jeta e tij nuk ka qenë edhe aq e lehtë. Reperi i njohur ka treguar vështirësitë e shumta që i është dashur të kalonte fillimisht për t’u bërë pjesë e tregut muzikor, aq sa la pas dore edhe shkollën.
“Bëj muzikë se jetoj. Nga fillimet e mia e kuptoni se unë kam lindur nga lagjet e errëta, por të sinqerta. Unë kam ikur nga shkolla për të shkuar në studio. Unë kam fjetur në studio. Janë shumë sakrifica, nëse filloj nuk ndalem dot. Por ju mos u dëshpëroni nga ëndrrat. Lutuni për të mira dhe ëndrra sepse ato duhen. Nuk kam studiuar shumë sepse 8 klasë shkollë kam, por ju flas nga eksperienca”, shkruan ndër të tjera Mozzik tek postimet e tij në InstaStory.
Kujtojmë që kohët e fundit Mozzik dhe partnerja e tij Loredana kanë qenë në qendër të vëmendjes mediatike, pasi përflitet se shumë shpejt do të bëhen prindër për herë të parë, megjithëse asnjëri prej tyre nuk e ka konfirmuar ende zyrtarisht.
