Fatma Methasani, moderatorja bukuroshe dhe shefi i kuzhinës Alfio Rrotani u bënë prindër të një djali në janar të këtij viti.
Methasani ka qenë sot e ftuar në emisionin e Orinda Hutës “Jo vetëm modë”, ku ka rrëfyer shumë të pathëna si është të jesh një nënë e re dhe pa eksperiencë.
Pavarësisht lumturisë së pamasë që Noah i ka dhuruar prindërve të tij, bukuroshja tregon se në ditët e para të jetës së tij, ka qëndruar shumë netë të gjata pa gjumë.
Ajo qëndronte aq gjatë pa gjumë saqë edhe kur vogëlushi flinte, Fatma e ruante duke qëndruar vetë pa gjumë nga meraku që kishte si një nënë e re.
“Ka qenë pak nga të gjitha, ka patur momente kur kam thënë çfarë i bëra vetes. Por se kisha më shumë pasiguri jo se…Por që ka qenë shumë bukur, kur vjen ajo data 28 që Noah feston një muaj, dy muaj, tre muaj, ne jemi të gjithë në festë. Çdo gjë që bën Noah që janë krejt normale, mua më duket sikur çfarë bëri.”
E pyetur nga moderatorja e emisionit a ka pasur ndihmë nga partneri në rritjen e vogëlushit, ajo tregon se Alfio është tepër gjumash dhe e ka gjumin e rëndë e me gërhitje herë pas here.
Kjo bënte që Alfio ndonjëherë e zgjonte dhe nga gjumi djalin me zhurmën e bërë dhe kjo solli që babai të shkonte të flinte ndonjëherë në kuzhinë.
Alfio dhe Fatma nuk janë kurorëzuar akoma në martesë, por kjo do të ndodhë së shpejti, madje unazat në altar, mendohet t’ia sjellë fryti i tyre i dashurisë, Noah.
