Ylli i “Keeping Up With The Kardashians”, Kim, ka rikujtuar një skenë aspak të këndshme të gjashtë viteve më parë, teksa parakalonte në tapetin e kuq të “Met Gala”.
Asokohe, ajo ishte shoqëruese e partnerit, Kanye West dhe ishte shtatzënë me fëmijën e saj të parë, North.
Kim kishte veshur një fustan të gjatë me printe lulesh, me një të çarë në njërën këmbë.
Partneri e kishte përgëzuar për këtë look dhe ajo mendonte se gjithçka ishte në rregull, derisa kishte parë veten e saj të bëhej meme në rrjet.
“Për më tepër, Robin Williams e publikoi në Twitter, duke shkruar se dukesha si Mrs. Doubtfire. Kam qarë gjithë rrugës për në shtëpi sepse s’mund ta besoja.”- rrëfeu Kim.
Megjithatë, performanca e saj në “Met Gala” është përmirësuar ndjeshëm dhe Kim na surprizon me veshjet e saj, duke u kthyer gjithmonë në një ndër personazhet më të komentuar të eventit.
