Pas surprizës së një jave më parë, Riani shijoi takimin e parë me Anën. Madje ai hapi zemrën dhe rrëfeu gjëra që nuk i kishim ditur më parë për të shkuarën e tij. Kur u pyet nga Ana përse ka tradhtuar, Riniani tha se ka qenë në një moshë shumë të re dhe për shkak të punës së tij si striptist. Ana mbeti e habitur pas kësaj deklarate, ndërkohë që ai e ftoi atë në një kërcim.
Ana u emocionua dhe mbeti akoma më e surprizuar pas kërcimit. Më pas Riniani tregoi në studio se ai ka punuar si striptist kur nuk ka qenë në një marrëdhënie, por e ka pranuar gjithmonë këtë gjë, sepse e ka bërë si punë kur ishte shumë i ri në moshë dhe për shkak se fitonte lehtë shuma të mëdha parash. Ai tregoi se për çdo shfaqje që jepte fitonte 300 euro dhe se e bënte si punë gjatë kohës që edhe studionte.
Ndërkohë Ana tha me shaka se ajo u bë me takikardi pas deklaratës së Rinianit, por nuk do e penalizojë pas kësaj deklarate. Ndërsa vajzat e tjera thanë se e mendonin djalin nga Mirdita se ishte më serioz se të tjerët, por pas kësaj deklarate sipas tyre tregoi të kundërtën. Kurse Eri e kritikoi Rinianin për punën që ka bërë, duke u shprehur se mund të fitonte para në forma të tjera.
