Një konkurrent i ri i është bashkuar “Për’Puthen” ditën e sotme dhe do jetë hyrja e fundit për këtë vit.
Moderatorja Bora Zemani tha se deri në fund të 2020 nuk do ketë më hyrje të reja.
Konkurrenti i ri quhet Atdhe, është 27-vjeç, dhe është nga Gjakova, Kosovë. Sikundër tregoi vetë ai ka jetuar 8 vite në shtetet të ndryshme të Europës, ku ka bërë punë të ndryshme.
Madje pranoi pa komplekse se ka punuar edhe në ndërtim.
Tanimë ai është rikthyer në qytetin e lindjes, ku tha se po menaxhon një biznes të motrës. Atdheu tha se ka ardhur me qëllime të qarta në emisionin e dashurisë, ku synon të gjejë lumturinë e jetës.
Por, çfarë mendimi ka ai për vajzat e “Për’puthen”?
Tea për të është një vajzë e ëmbël, e bukur dhe e sjellshme.
Ana, një vajzë me zemër të madhe, duke iu referuar këtu gjestit që bëri duke prerë flokët, si një ndihmë për vajzat që vuajnë nga kanceri.
Ana Kaurin, e cilësoi si “mistrece Berati”, duke shtuar se këtë shprehje e ka dëgjuar shpesh në Shqipëri.
Sindi në sytë e Atdheut është një vajzë e thjeshtë dhe pa eksperienca me meshkujt.
Ndërsa për Melisën tha se e pëlqen pasi i duket si “vajzë e skandaleve”.
