Tre ditë më parë, çifti më i njohur e i komentuar në mbarë botën, Kim Kardashian dhe Kanye West i dhanë fund martesës së tyre. Siç raportojnë mediat e huaja, Kim ka firmosur më 19 shkurt, letrat e divorcit nga partneri dhe ndarja e tyre ishte tepër paqësore.
Ata nuk ia dolën dot të mbajnë martesën e tyre dhe pas 6 vitesh, kanë vendosur të vazhdojnë në drejtime të ndar. Sipas “TMZ”, Kim ka këruar kujdestarinë e 4 fëmijëve. Mediat e huaja kanë bërë gjithashtu të ditur se divorci i tyre prej 2.1 miliard dollarësh do të transmetohet në sezonin e fundit të “Keeping Up With the Kardashians”, ku do të nxirren në pah detaje të reja nga ndarja e tyre. Sipas burimit, divorci do të transmetohet në sezonin e fundit të “KUWTK” dhe do të jetë një temë diskutimi për shfaqjen e tyre të re.
Ndërkohë mes gjithë këtyre lajmeve për ndarjen, që kanë pushtuar mediat rozë në mbarë botën, Kim ka bërë në rrjete sociale një postim për babanë e saj të ndjerë. Ajo ka lënë të kuptohet se po kalon një periudhë të vështirë, për të cilën do të donte shumë të fliste me të atin.
“Gëzuar ditëlindjen babi! Festoj për ty çdo ditë, por sot më shumë. Kam kaq shumë për të të treguar! I rashë numrit tënd të telefonit vetëm për të parë nëse dikush do e kapte pas kaq shumë vitesh. Në fakt s’mund ta besoj që e mbaj mend numrin. Të lutem hajde më vizito në ëndrra sa më shpejt. Gjithashtu a mund të më dërgosh një shenjë me ndonjë simbol ose zog, siç kemi pas folur? Më mungon kaq shumë”, shkroi Kim.
View this post on Instagram
