Çdo femër ka diçka që nuk i pëlqen te paraqitja e saj fizike. Ndaj dhe ndërhyrjet estetike bëhen për të përmirësuar atë defekt dhe për ta dashur veten më pas perfekte.
Por jo të gjitha femrat bëjnë ndërhyrje për të arritur perfeksionin. Ideja është të pranosh veten ashtu siç je, të duash veten me defektet që ke dhe ky është mesazhi që një nga blogeret më të njohura shqiptare ka bërë.
Egreis Gjergjani ka pranuar para 466 mijë fansave të saj se ka defekte në fytyrë që nuk i pëlqejnë, por që ka filluar ta dojë veten ashtu siç është.
“Kam një fytyrë të gjatë, hunda ime anon në të majtë, është e shtrembër edhe pas një ndërhyrjeje në hundë, dhëmbët e mi janë më të vegjël se ato të djalit 3-vjeçar dhe buza ime e sipërme thuajse nuk ekziston. Jam asimetrike, prandaj rrallë bëj foto duke parë drejt e në kamera, por sa më shumë rritem, po mësoj ta dua. E shtrembër e të gjitha këto, është fytyra që familja ime e do deri në vdekje dhe s’do ta ndryshonin për asgjë në botë”.
Megjithatë ajo u shpreh se do të tentojë sërish të përmirësojë veten kanë, do të bëjë ndërhyrje në hundë, por e rëndësishme është që të dish të jetosh në harmoni me defektet.
“Mos më keqkuptoni, do ta bëj sërish hundën dhe do të mbush rrudhat aty-këtu kur ta ndjej të nevojshme, por pjesa më e rëndësishme është se kam mësuar ta dua ashtu si është”.
