Ajo njoftoi shtatzëninë e saj vetëm disa orë më parë. Dhe shtatzëna Beyonce, e cila po pret binjakë, ndau disa foto intime nga jeta e saj me bashkëshortin Jay Z dhe vajzën 5-vjeçare Blue Ivy, të publikuara në uebsajtin e saj të enjten.
Këngëtarja 35-vjeçare i publikoi fotot me mbishkrimin: “Kam tre zemra”. Ndërsa publikoi disa foto nga shtatzënia e saj aktuale, ajo risjell fotot e ditës së dasmës, pushimeve me familjen dhe disa skena nga jeta e saj përtej kamerës.
Pasi ndau me fansat dje foton e veshur me të brendshme, ku shprehu bekimin që ndjen familja e saj, Beyonce mrekullon sërish të gjithë me imazhet intime nga jeta e një prej familjeve më të famshme në botë.
Në imazhet e reja, këngëtarja pozon nudo e frymëzuar nga piktura e Sandro Botticelli, “Lindja e Venusit”.
Në disa foto ajo pozon bashkë me vajzën 5-vjeçare, ku i puth barkun apo i dhuron lule. Në imazhet e realizuara me ujë, diva e pop-it mbulon vendet e saj intime vetëm me tyle.
Nga e shkuara, Beyonce i jep fansave një shikim në jetën e saj, ku tregon barkun e saj në muaj të ndryshëm gjatë shtatzënisë me Blue, apo kur nëna e saj ishte shtatzënë me të në vitin 1981.
*Shfleto galerinë
Burimi: Daily Mail
