Romanca e Kendall Jenner dhe Bad Bunny thuhet se po rikthehet sërish pasi dyshja u ribashkuan në Barbados për natën e Vitit të Ri. Sipas një burimi të brendshëm për dyshen, burimi i cili foli për The Sun tha:
Ata janë njerëz shumë të ndryshëm dhe askush nuk e ka parë ndonjëherë marrëdhënien e tyre të shkojë deri në fund, por ata argëtohen shumë së bashku dhe i kanë munguar njëri-tjetri që nga ndarja. Ata ishin me miqtë në Karaibe gjatë Vitit të Ri dhe që nga kthimi janë takuar sërish.
Edhe pse çifti nuk është fotografuar së bashku që atëherë, burimi shtoi se ata “i mbajtën gjërat private, darkuan në Brentwood dhe po shoqërohen edhe tani që janë kthyer në Los Angeles”.
Vitin e kaluar Kendall Jenner ishte bërë titull kryesor i mediave rozë ku u arratis në një vend me dëborë me miqtë e saj Justin dhe Hailey Bieber, pasi ishte ndarë nga Bad Bunny. Spekulimet për ndarjen filluan kur ylli i “Kardashians” la të kuptohet se ka një krisje në marrëdhënien e tyre përmes një postimi në mediat sociale në nëntor 2023, me një citim të fshehtë që thoshte: “Ajo që është menduar për mua, thjesht do të më gjejë”.
