Pavarësisht se temperaturat shkuan me minus pas mesnate, një grup studentësh qëndruan gjatë natës para Kryeministrisë për të protestuar.
Në disa foto që kanë qarkulluar në rrjetet sociale, duket se njëri prej tyre ka pasur komplikacione me shëndetin.
Ai shihet i shtrirë në tokë, ndërsa disa studentë të tjerë e kanë rrethuar dhe i qëndrojnë te koka.
Kujtojmë se studentët kanë paralajmëruar sot përshkallëzim të protestave të tyre, pasi kërkesat e tyre ende nuk janë plotësuar.
Ndërkohë kreu i qeverisë u shpreh dje në “Top Show” në një përballje me studentët se është pro për 5 nga 8 kërkesat e tyre, ndërkohë që 3 të tjerat kanë nevojë për t’u diskutuar sesi do të realizohen.
Rama tha se për tarifat, ai nuk ka asgjë në dorë, përkundrazi studentët nuk kanë përse duhet të trokasin te Kryeministria, por të shkojnë te dekanët e universiteteve të tyre, pasi tarifat i vendos universiteti, duke respektuar autonominë e tyre.
