Një ngjarje tronditëse ka ndodhur së fundmi në Australi me protagonistë dy shqiptarë.
Mediat e huaja shkruajnë se babai, Petrit Lekaj ka vrarë vajzën e tij, Sabrina Lekaj me thikë në makinën e tij.
Raportohet se shkak për këtë krim të rëndë është bërë dalja në një club nate i vajzës 20-vjeçare.
Mësohet se Sabrina kishte debatuar me të atin në makinë, pasi ai nuk dëshironte që ajo të shkonte në festë dhe më pas ai e ka vrarë.
Pas krimit Petriti është gjetur nga policia me disa lëndime në bark.
Shoqja me të cilën Sabrina kaloi natën është shprehur se ajo kishte pasur frikë gjatë gjithë kohës sepse mendonte se i ati do i bërtiste kur të shkonte në shtëpi.
Sabrina studionte për mjekësi dhe kishte ëndrra të mëdha që lidheshin me profesionin e saj.
