Ministrja e Shëndetësisë ka paralajmëruar se do të ketë kallëzim penal për ato farmaci që do të rritin çmimet për produktet higjienizuese, në një moment që Koronavirusi është më afër se kurrë vendit tonë.
Në një lidhje direkte për emisionin “Opinion” Blendi Fevziu e pyeti Manastirliun se çfarë po ndodh me çmimet dhe mungesën e produkteve higjienizuese në treg.
Një solucion dezinfektues nga 150 lekë këto dy ditë ka shkuar në 600 lekë të rinj. Ministrja tha se Inspektorët po merren me rastin dhe do të ketë kallëzime penale për gjithë farmacistët që po abuzojnë.
Fevziu: Maskat nuk gjenden në dyqane, as soluconi!
Manastirliu: Nuk duhet të biem pre e panikut. që ka pasur në fakt dhe në vende të tjera. Konfirmoj që ne kemi marrë masat që në strukturat spitalore të mos ketë mungesë. Në raport me dorezat dezinfektantët, të gjithë elementët e mbrojtjes personale janë dhe do të jenë të garantuara. Në farmaci do vijojnë furnizimet
Fevziu: Po nuk ka, sot ishte vrulli i parë
Manastirliu: Nuk është vendi për ta thënë me kaq panik, se kështu po e thua. Po them se do vijojë furnizimi nga depot, sot kam pasur takim me furnitorët. Do merren masat, dihet që tregu botëror ka pasur problematika në furnizim, duhet të jemi realistë. Dhe të informojmë.
Fevziu: Po për çmimet që janë rritur?
Manastirliu: Po kemi vënë Inspektoriatin për të bërë këtë verifikim, ka filluar çështja në prokurori.
Fevziu: I njëjti solucion nga 150 lekë ka shkuar 6 mijë lekë.
Manastirliu: Inspektorët e barnave po vlerësojnë tregun e farmacive të hapura do ketë kallëzime penale për ato që abuzojnë.
/TP
