Aktori indian Ashish Kapoor, i cili njihet nga shqiptarët me rolin e Kabirit në serialin “Sarasvatiçandra”, prej kohësh është në një lidhje dashurie me modelen shqiptare Ilda Kroni. Një histori dashurie të cilën ata e kanë bërë publike dhe nuk ngurojnë në çdo moment të tregojnë se sa të dashuruar janë me njëri-tjetrin.
Këto ditë ata kanë festuar përvjetorin e lidhjes së tyre dhe të dy kanë bërë dedikime të ndjera për njëri-tjetrin në Instagram.
“Sot një vit më parë nisa një udhëtim me këtë person të bukur jo vetëm nga jashtë, por edhe brenda. Urime përvjetorin dashuria ime. Qëndro gjithmonë siç je,”-shkruan Kabiri.
Nga ana tjetër edhe modelja shqiptare nëpërmjet një statusi në Instagram ka treguar se çdo ditë e më shumë dashuria që ata ndjejnë ndaj njëri-tjetrit rritet.
“Përvjetori jonë është më i rëndësishëm se çdo ditë. Unë festoj dashuria ime, për ty dhe të dua në çdo moment. Me kohën që kalon, dashuria jonë rritet, jeta jonë bëhet më e mirë dhe unë vazhdoj të të dua gjithnjë e më shumë”-shkruan Ilda.
