Ka vetëm dy ditë që ka lindur dhe vogëlushi i Elitës dhe Gjikos është bërë bebushi më i famshëm i momentit në Instagram.
Kjo ka ndodhur jo për shkak se prindërit e Zërit, i kanë hapur atij një profil në rrjetin social, ashtu siç bënë dy muaj më parë Mozzik dhe Loredana, kur lindi Hana e tyre e vogël.
Hana tani numëron me mijëra ndjekës, ndërsa Zëri ka me dhjetëra profile të hapura në emrin e tij në Instagram, nga fansat e çiftit.
Me sa duket fansat kanë rënë në dashuri nga fotot e para që mami Elita dhe babi Gjiko publikuan menjëherë pas ardhjes në jetë të bebushit të tyre.
Nuk e dimë nëse dyshja do të marrë ndonjë masë në lidhje me përhapjen masive të fotove të djalit të tyre, por na mbetet të shohim më tej.
Vetë Elita postoi në profilin e saj në Instagram 3 foto ku shfaqej me vogëlushin dhe me bashkëshortin ndërsa shkruante:
“Zoti na bekoi me djalin tonë Zëri Gjikolli. Oh gëzim më të madh në jetë nuk paska!”
Këtë gëzim të madh shprehu edhe Gjiko krah fotos ku shprehej krenar për bashkëshorten që ka në krah:
“Mirë se erdhe biri im Zëri Gjikolli. Në momentin që na kape gishtin me dorën tënde të vogël na more zemrat rob për tërë jetën mu e mamit tënd e cila të mbajti 9 muaj e u kujdes për çdo detaj që ti ta kishe sa më të lehtë në barkun e saj, me të cilën mburrem dhe jam krenar që o gruja jem. Babi ju don shumë dhe do jetë gjithmonë pranë jush në çdo moment. Të dua shumë!”
