Është zyrtare!
Vajza 5-vjeçare e Kim Kardashian është ylli i ri i kopertinave pasi ka pozuar për herë të parë për WWD’s Beauty Inc.
North është stiluar nga nëna e saj për të pozuar për faqen e parë të revistës.
“Vajza ime e bukur dhe me stil, North pozoi për cover-in e saj të parë. Ajo e do modën dhe bukurinë dhe u kënaq shumë duke bërë këtë gjë! Seriozisht unë jam shumë krenare për North-in tim!”, u shpreh Kim.
Për t’u dukur kaq bukur, North e kishte zgjedhur vetë penelin e saj.
Ajo tashmë është një vajzë e rritur dhe ka sfiluar edhe në pasarelat e modës.
North po kthehet seriozisht në personazhin më të famshëm të mediave rozë edhe pas thashethemeve mbi të dashurin e saj.
Pak ditë më parë u tha se 5-vjeçarja bukuroshe është e “lidhur” me 7-vjeçarin Caiden Mills i cili është djali i reperit Consequence.
Caiden herë pas here në llogarinë e tij në Instagram, që me shumë gjasë menaxhohet nga prindërit, postonte dedikime për North-in.
Por e ëma e vogëlushes, Kim Kardashian, ka mohuar gjithçka dhe nuk i pëlqejnë aspak këto zëra për të bijën.
