Covid-19 po vijon të përhapet me shpejtësi dhe çdo ditë raportohet për rekorde infektimesh dhe viktimash.
Ditën e sotme Ministria e Shëndetësisë informoi se janë regjistruar 795 raste të reja dhe 17 viktima.
Sakaq, një tjetër person publik është infektuar me Covid-19. Bëhet fjalë për moderatorin Edi Manushi. Lajmi është konfirmuar nga ish-konkurrentja e Për’puthen 1, që është njëherësh edhe pjesë e rubrikës “Rrethi katror”, Ina Kollcaku.
Ajo ka realizuar një bashkëbisedim me ndjekësit në Instagram, ku është pyetur nga fansat lidhur me moderatorin, teksa ka shkruar se është prekur nga koronavirusi.
Ina shkruan se për momentin është mirë dhe ka vetëm pak temperaturë, por asgjë shqetësuese.
Edi ka dalë pozitiv me Covid-19. Për momentin është mirë ka vetëm pak temperaturë. Asgjë shqetësuese. Urojmë ta kalojë sa më shpejt.
Deri tani kanë qenë disa figura publike që janë infektuar nga Covid-19, si: Florjan Binaj, Stresi, Art Abazi, Nora Malaj, Rajmonda Bulku, Ledio Lako, Gent Sejko, Agron Llakaj, Albin Kurti, Blerina Gjylameti, Xhani Shqerra, Alketa Vjesiu, Valton Krasniqi, Xherdan Shaqiri, Silva Bino, Arjola Shehu, Monika Lubonja etj.
