Teksa shijon suksesin e bashkëpunimit të fundit me Dafina Zeqirin, të titulluar “Bye bye”, Tayna ka arritur plot 1 milionë ndjekës në Instagram dhe për këtë ka falenderuar të gjithë fansat e saj.
Ajo ka numëruar një për një të gjitha sukseset e këtij viti, i cili rezultoi mjaft i mbarë për këngëtaren.
Ajo u bë e njohur pas bashkëpunimit të famshëm me Don Phenom, “Columbiana” dhe fama e saj u rrit dita ditës.
Në një vit, reperja ka realizuar 11 këngë dhe tashmë është padyshim një ndër emrat më të njohur të momentit.
View this post on Instagram
“1 vit, 11 këngë, 1 milionë ndjekës. Filloi nga 10 mijë… Faleminderit! Ky vit ka qenë ëndrra më e bukur! Ju dua!”- shkruan Tayna krahas fotos së shkëputur nga një skenë e videoklipit të fundit, ndërsa fansat kanë vërshuar në komente ku urojnë reperen e re.
