Marrëdhënia e saj me djalin e ish- kryeministrit Berisha është kthyer sërish në qendër të vëmendjes sot, kur një komentues e akuzoi se bën pushime të shtrenjta me paratë e vjehrrit.
Armina Mevlani postoi një video ku zbret shkallët në një resort në Mykonos, duke e shoqëruar me këtë përshkrim:
“Filma të vjetër grekë”
Armina shfaqet e veshur me një prej trendeve më të parapëlqyera të vitit që lamë pas, fustani me shkëlqim të metaltë siç e veshi Kendall Jenner në ditëlindjen e saj para tre viteve, i cili ishte i frymëzuar nga një fustan i Paris Hilton.
Sidoqoftë, dikush në komente thumboi Arminën për pushimet në Mykonos, duke i shkruajtur se paratë që Armina përdor për udhëtime janë fryt i punës së babait të partnerit të saj Shkëlzen Berisha, Sali Berisha.
“Ka punuar Doktor Berisha që të vesh në vende të shtrenjta për pushime.”
Armina Mevlani nuk e lejoi të kalonte pa një përgjigje komenti i tij.
Blogeria shkruajti kështu në përgjigjen e saj:
“Në fakt me shoqërinë time kam udhëtuar që 17 vjeç. Komente pa kuptim.”
Lidhja e Armina Mevlanit me Shkëlzen Berishën ka hyrë tashmë në vitin e 5-të.
Në tetor të vitit të kaluar, ata u fejuan në një festë private larg syrit të medias.
