I ftuari i radhës në emisionin e moderatorit Meriton Mjekiqi, “Gjoni Black”, ishte reperi i njohur Stresi.
Përveçse repoi, siç bën çdo artist i ftuar në studio, Stresi foli gjithashtu për projektet e ardhshme dhe albumin që do të sjellë shumë shpejt.
Ai po punon fort për albumin e tij, në të cilin nuk do të mungojnë bashkëpunimet me emra të njohur të muzikës.
Stresi ka zbuluar se njëri prej reperëve me të cilin do të bashkëpunojë është Getinjo, ndërsa kënga e tyre është një ndër këngët më të rëndësishme të albumit.
Projekti do të titullohet “S’jam dorëzu” dhe sipas reperit, ka për të thyer vendin!
Videon e deklaratës së tij e ndau në InstaStory edhe Getinjo, duke paralajmëruar fansat se një hit i ri është rrugës.
