Mbrëmjen e sotme Saimri pati një takim shumë të veçantë me vajzën nga Shkodra, Xhesin. Për ata të dy ishte organizuar një ballo me maska, që Saimiri dhe Xhesi e shijuan shumë. Këtë moment ata e kanë shfrytëzuar për të zhvilluar një bisedë që ka nxjerrë në pah disa të fshehta që Saimiri i ka mbajtur brenda gjatë gjithë kësaj kohe.
Duke folur për njerëzit që fshihen pas maskave, “princi modern” tha se ka pasur disa vajza në “Love Story” që nuk kanë qenë të vërteta ndaj ai i ka eliminuar.
“Mendoj që ka pasur disa maska në këtë rrugëtim, por unë jam përpjekur që të shoh pas fasadës, pas maskës. Ndaj kam marrë ato vendime që kam marrë. Unë e kam thënë që pëlqej shumë sinqeritetin dhe njerëzit e vërtetë dhe prandaj je këtu akoma. Është jashtë mode për të jetuar një jetë me maskë. Dua të jem gjithmonë vetvetja dhe i vërtetë”, u shpreh Saimri.
“Në fakt kjo është diçka që më ka pëlqyer dhe që e kam vënë re që në fillim tek ti. Nuk je munduar të shfaqesh asnjëherë ndryshe nga ç’je, në të gjitha ato puçet e vogla, gjithë gjërat e tua, nuk je hequr ndryshe për të fituar pikë apo nuk e di. Dhe kjo më pëlqen, më pëlqen ti ashtu siç je”, ja ktheu Xhesi.
Saimiri nuk preferoi të jepte emra për vajzat që kanë qenë me “maksa” sipas tij, por ndjekësit e programit kanë nisur menjëherë nga dyshimet. Ai ka pasur debate të forta me disa nga vajzat që janë larguar, si Vivien apo Silvana, por nuk dihet nëse e ka pasur fjalën pikërisht për ato.
