Selena Gomez ka publikuar disa nga këngët “pop” më interesante gjatë këtij viti. Fillimisht “Bad Liar”, pastaj “Fetish” dhe tani “Wolves” (“Ujqërit”), një bashkëpunim me Marshmello.
Kjo mund të jetë edhe kënga më personale e Gomez deri tani! Fansat kanë zbuluar kuptimin e dytë të titullit. Në latinisht, “lupus” përkthehet në ujk; lupus është gjithashtu emri i sëmundjes që prek sistemin imunitar prej të cilës vuan Gomez, për të cilën këngëtarja foli hapur dy vite më parë.
“Kam vrapuar me ujqërit për të arritur ty/ Kam qarë me ujqërit për të arritur ty”, thotë Selena në një pjesë të këngës.
Mediat e saj sociale janë bërë tashmë më transparente, sidomos në lidhje me sëmundjen e saj. Disa javë më parë Gomez zbuloi se sëmundja e detyroi që të kryente një transplantim të veshkave dhe donatorja ishte mikesha e saj.
Kush e di? Ndoshta kjo këngë është në nderim të saj.
Burimi: Glamour
