Të gjithë u mërzitëm kur mësuam se rrjeti social më i përdorur, Instagram, hoqi opsionin “Following activity”.
Pra, askush nga ne s’mund të përgjojë dot më se ç’bëjnë miqtë tanë në Instagram.
Ska më cili ndoqi kë dhe kush pëlqeu foton e dikujt tjetër. Jo më!
Jo vetëm kaq, por Instagram ka ndërmend të na surprizojë sërish me një tjetër opsion që po shtohet së fundmi.
Bëhet fjalë për “On this day” (Në këtë ditë), i cili do të na mundësojë të postojmë momente të vjetra që duam t’i ndajmë sërish me të tjerët.
Opsioni i ‘throwback’ i jep më shumë fleksibilitet rrjetit social dhe pritet të jetë i dobishëm, pasi jo gjithkush ka çdo ditë për të ndarë diçka me vlerë me ndjekësit e tij.
Ndaj, thjesht nëpërmjet një klikimi, ne mund të kërkojmë diçka për të postuar nga fotot apo videot tona më të vjetra.
