I ftuar në Festivalin e Filmit në San Sebastian për të marrë çmimin prestigjioz Donostia, Johnny Depp ka njoftuar se ka themeluar një kompani të re evropiane të prodhimit kinematografik me seli në Mbretërinë e Bashkuar, me emrin IN.2 Film.
IN.2 përshkruhet si një “shtëpi prodhimi me seli në Mbretërinë e Bashkuar, e interesuar për të marrë frymëzim nga skenaret origjinale, veprat letrare dhe teatrale për të krijuar prodhime filmi, televizioni dhe teatri që përqendrohen në ndjeshmërinë evropiane për të depërtuar në tregun amerikan”.
IN.2 në fakt do të jetë “motra” e shtëpisë së prodhimit amerikan të Depp në Los Angeles, Infinitum Nihil. Pasi punuan në Crock of Gold (me regji nga Julien Temple) dhe The Minamata Affair (me regji nga Andrew Levitas), producentët Stephen Deuters dhe Stephen Malit do të udhëheqin kompaninë e re me Depp.
Fryti i parë i përpjekjeve të IN.2 është një marrëveshje me A Contracorriente Films të Adolfo Blanco. Kontrata parashikon zhvillimin e filmave dhe serive televizive që do të hyjnë në prodhim midis 2022 dhe 2023.
Kujtojmë se aktori akuzoi Hollywood-in se po e bojkotojnë atë në një intervistë me median angleze ‘The Sunday Times’. Kjo intervistë shënohet si e para, pasi u shënjeshtrua nga media e ‘The Sun’ si ‘një dhunues i gruas’ në një artikull për të dhe ish- bashkëshorten e tij Amber Heard. Heard e akuzoi Depp për dhunë në familje dhe gjykata pasi i shqyrtoi këto akuza i cilësoi si të vërteta.
Pas atij vendimi, Depp dha dorëheqjen nga roli i tij në serialin Fantastic Beast dhe studio e xhirimit të filmit të tij, Minamata, ndryshoi datën e publikimit në SHBA dhe ende nuk ka shpallur një të re.
