Turjan Hysko dhe Orinda Huta do të bëhen prindër për herëtë parë. Këtë lajm e konfirmoi vetë çifti përmes disa fotografive të postuara në Instagram.
Ishte Turi ai që publikoi foton i pari, duke i treguar botës lajmin e bukur.
Më vonë, Orinda zbuloi edhe gjininë e bebushit që po presin të vijë në jetë. Ata do të bëhen me vajzë dhe janë në qiellin e shtatë nga gëzimi.
Moderatorja po e shijon në maksimum shtatzëninë e saj, madje nuk i kursen as pozat me barkun e rrumbullakosur. Sot, ajo ka publikuar në profilin e saj në Instagram ca foto shumë të ëmbla, ku shfaqet me qenushen e shtëpisë.
“Me gocat e mia”- shkruan Orinda krahas postimit të saj, ndërsa vëmendjen na e mori komenti i vjehrrës së saj.
“Gocat e nënës”- shkruan mamaja e Turit duke e ‘llastuar’ kështu nusen që shumë shpejt do ta bëjë gjyshe për herë të parë.
Turjan Hysko ishte i ftuar së fundmi në emisionin për fëmijë “Në kurthin e PIter Pan”, ku foli edhe për pritjen e ëmbël të Orindës.
“Në fakt nuk e di si mund ta shpreh si ndjesi, mendoja që kam qenë gati gjithë jetën për t’u bërë baba. Kam pak frikë kur shikon ato goditjet tek barku i Orindës. Me shpresën e Zotit, shpresoj që gjithçka të shkojë mirë. Që do dhurojë shumë dashuri, kjo është e sigurt, se sa i mirë do jem nuk e di”, tha Turjan Hysko.
Gjithashtu ai tha se emrin për vogëlushen e tyre nuk e kanë zgjedhur akoma, por e sigurt është që do të fillojë me shkronjën A.
