Sarah Jessica Parker ka dhënë një intervistë të plotë dhe ka folur për pamjen e saj, por edhe për operacionet plastike. Aktorja e njohur ka folur në “The Howard Stern Show” dhe fillimisht është pyetur nëse e konsideron veten të bukur.
“Unë jam e paraqitshme, besoj. Sigurisht, nuk më pëlqen ta shoh veten në pasqyrë. Domethënë mendoj se jam mirë”, tha ajo.
Sa i përket operacioneve plastike dhe botoksit, Sarah Jessica Parker tha: “Pyes njerëzit nëse është tepër vonë. Dhe përgjigja që marr është ‘jo, dukesh e qetë, por dukesh si një person krejtësisht tjetër. Unë e kuptoj pse njerëzit e bëjnë këtë zgjedhje. Vëmendje e madhe i është kushtuar pamjes, sidomos femrave, sidomos atyre”
Së fundi, ajo vuri në dukje se njerëzit duhet të pushojnë së shqetësuari për imazhin e tyre dhe të bëjnë atë që i bën të ndihen më mirë.
“Edhe vitin e kaluar, kur dolëm në transmetim me sezonin e ri të “And Just Like That”, kishte kaq shumë raporte për plakjen, plakjen e këndshme, për “flokët e Sarah Jessica Parker-it ishin gri”. Unë mendoj se njerëzit duhet të bëjnë atë që i bën të ndihen më mirë, duke dalë nga konforti i tyre ”, tha ajo në mbyllje.
