Ai u përplas vitin e kaluar me ndjekësit, pasi e akuzonin se i ishte nënshtruar operacioneve plastike. Dhe tani David Beckham foli hapur lidhur me dëshirën e tij për t’u plakur në mënyrë natyrale dhe me hijeshi, ndërsa theksoi se nuk do të përdorë kurrë boktos për të luftuar rrudhat.
Ish-futbollisti 42-vjeçar tha për “Evening Standard”: “Kirurgjia plastike mund të jetë “okej” për disa njerëz. Nuk po them se është diçka e keqe. Por për mua, personalisht, kurrë nuk do ta provoj. Kurrë!”.
Pavarësisht se ka një fytyrë tepër rinore, David vazhdoi të fliste lidhur me dëshirën e tij për të qëndruar natyral.
“Unë nuk kam asnjë interes të bëj diçka të tillë, kurrë. Të plakesh me hijeshi është ajo që dua. Kurrë nuk do të injektoj gjëra në fytyrën time”, tha ai.
Vitin e kaluar, David Beckham e bëri të qartë se pamja e tij rinore nuk ka asnjë lidhje me asnjë formë të kirurgjisë plastike.
Burimi: Daily Mail
