Ata janë atletë të klasit botëror që dominojnë sportet e tyre përkatëse, kështu që nuk është e çuditshme që Usain Bolt dhe Cristiano Ronaldo kanë trupin model për shumë burra.
Por nuk është vetëm aftësia e tyre atletike që meshkujt duan të kenë. Një studim ka zbuluar se Bolt dhe Ronaldo, kanë formën e trupit më të dëshiruar nga burrat britanikë.
Trupi i tyre që vijon e ngushtohet nga shpatullat në bel, duke e bërë formën e një “trekëndëshi të përmbysur”, është një nga pesë modelet e trupit mashkullor të identifikuar nga studiuesit në “Forza Supplements”, të cilët shqyrtuan karakteristikat fizike të 2.000 meshkujve.
Ata përcaktuan se të gjithë burrat mund të klasifikohen në 5 lloje trupi: drejtkëndësh, oval, trekëndësh, romb ose një trekëndësh i përmbysur.
Trupat drejtkëndësh (40%)
Forma më e zakonshme është drejtkëndëshi, me të famshëm, përfshirë David Beckham dhe Harry Styles që janë pjesë e këtij grupi. Rreth 40 përqind e meshkujve janë drejtkëndësh.
Trupat ovalë (26 %)
Trupat ovalë përbëjnë grupin e dytë më të madh, me 26 për qind që janë në këtë kategori. Ashtu si yjet duke përfshirë James Corden dhe Elton John, trupat ovalë mbajnë peshën e tepërt në mënyrë të barabartë përgjatë bustit të tyre.
Shpërthimi në nivelet e obezitetit tregon se një numër në rritje i burrave do të bëhen ovale gjatë dekadës së ardhshme, zbuluan studiuesit.
Trupat trekëndësha (14 %)
Rreth një në shtatë burra klasifikohen si “trekëndësha”. Gjyqtari britanik i talenteve David Walliams dhe komediani Michael McIntyre janë midis atyre që mbajnë një peshë më të vogël rreth mesit të trupit të tyre. Dy format më të dëshirueshme – rombi dhe trekëndëshi i përmbysur – janë gjithashtu më pak të zakonshëm në Britani.
Trupi romb (13%)
Meshkujt me trup romb ka tendencë të punojë shumë, duke u dhënë atyre një bust të fortë të sipërm që është pak më i gjerë rreth brinjëve se në bel, ashtu si aktori James Bond Daniel Craig dhe supermodeli mashkull David Gandy. Vetëm 13 përqind e njerëzve janë me trup romb.
Trekëndshi i përmbysur (5%)
Trekëndëshi i përmbysur, një formë e përfaqësuar me kujdes nga atletët si Ronaldo dhe Bolt, gjendet në vetëm 5 për qind të burrave.
