Xhensila Myrtezaj është në javët e fundit të shtatzënisë. Këngëtarja shqiptare ka disa ditë që nuk e ka përditësuar Instagramin e saj me foto apo video nga momentet e pritjes së vajzës.
Të gjithë jemi gjithë sy e veshë për të mësuar diçka më shumë, por fotoja e fundit që ka publikuar Xhensila në Instagram, mban datën 14 prill.
Megjithatë nëse mendoni se bukuroshja shqiptare po i kalon brenda këto ditët e fundit, e keni gabim. Ajo është parë së fundi me vjehrrën dhe kunatën teksa shijojnë disa orë në natyrë.
Ka qenë spikerja Ana Kallaku, motra e Besit, që ka publikuar fotot e këndshme, ku Xhensila shfaqet mjaft në formë. E veshur me një fustan të gjerë në ngjyrë gri dhe atlete të bardha, Xhensila shihet e lumtur pranë vjehrrës dhe mbesës së Besit.
Kësaj pamje të bukur familjare i mungon Bes Kallaku i cili nuk shihet gjëkundi.
