Personaliteti i televizonit amerikan, Nick Cannon zbuloi se kalon “më shumë kohë” me vajzën e tij 8-muajshe, Onyx, nga të gjithë 12 fëmijët e tij.
“Unë jam me të, të paktën, tre herë në javë, për gjithë ditën,” ndau prezantuesi i “Masked Singer”, 42 vjeç, në “The Jason Lee Podcast”.
“Por unë nuk e publikoj këtë në media sociale [sepse] nuk është për ta.”
Cannon, i cili ka vajzën me LaNisha Cole, tha se ai dhe ish-modelja “Price Is Right”, “kanë një mirëkuptim super të fortë” dhe “lidhja e tyre bashkë-prindërore është kaq e fortë”.
“Nëse më shihni të hënën, të mërkurën ose të premten, vajza ime [Onyx] është pranë meje – pavarësisht nëse jam në xhirime”, shtoi drejtuesi i “Wild ‘N Out”.
Cannon vuri në dukje se ai ka një vend në zyrën e tij për ta lejuar atë të kryejë detyrat e tij atërore ndërsa është në punë.
Cannon tha se të qenit me Onyx nuk bie ndesh me sasinë e kohës që ai kalon me fëmijët e tij të tjerë pasi shumica ose janë ende në shkollë ose janë “bebe”.
Ai u bë për herë të parë baba në vitin 2011, kur mirëpriti binjakët Monroe dhe Maroken, tani 12 vjeç, me ish-bashkëshorten e tij, Mariah Carey.
Cannon më vonë mirëpriti djemtë Golden, 6, dhe Rise, 7 muajsh, dhe vajzën Powerful, 2-vjeçe me Brittany Bell. Ai ka edhe binjakët Zion dhe Zillion, të dy 1 vjeç, dhe vajzën Beautiful, 6 muajshe, me Abby De La Rosa. Po ashtu ai është baba i një djali 10 muajsh, me yllin e “Selling Sunset” Bre Tiesi; dhe babai i vajzës Halo, 5 muajshe, me Alyssa Scott.
