Me një kërkim të shpejtë në Google, mund të na dalin fare thjeshtë dhjetëra foto të Justin Bieber ku shfaqet duke qarë.
Fansat e këngëtarit kanë qenë të merakosur prej kohësh për gjendjen e Justin, i cili ka zbuluar gjithçka së fundmi në dokumentarin e tij në Youtube.
Pasi tregoi luftën me disa sëmundje dhe varësinë ndaj lëndëve narkotike, këngëtari zbuloi se gjendja e tij emocionale ka qenë mjaft e dobët.
Për këtë arsye, atë e kemi parë shpesh duke shpërthyer në lot në publik.
“Kur dilja në media dhe shikoja gjëra në internet, njerëzit thonin “Justin është i zemëruar, pse është i zemëruar?” , është sikur ata s’më japin leje të jem i zemëruar. Unë nuk kam leje të jem njeri dhe të nxjerr lot.
Ka kaq shumë njerëz që në bisedat e përditshme me me të dashurën, gruan apo mamanë e tyre që thyhen emocionalisht, e ke parasysh? Por nuk kanë kamera që t’ia regjistrojnë këtë moment.
Ndaj ata pyesin “Eshtë mirë ai? Po kalon një krizë mendore?”
Jam thjesht emocional dhe është thjesht ok.”
Duke iu referuar një rasti në vitin 2018, kur u fotografua duke qarë teksa qëndronte me bashkëshorten në makinë, Justin tregoi:
“Më kujtohet që kam qenë shumë keq emocionalisht dhe teksa flisja me të, nuk dija si t’i shprehja disa gjëra dhe ndihesha i frustruar. E di, kanë ndodhur shumë gjëra në jetën time dhe mendoj se isha në një pikë të jetës që ndihesha thjesht i tronditur.
Nuk ka rëndësi se kush je, gjithkush do të ketë ditë kur ndihet jo i qetë, por është pjesë e jetës.”- ka treguar këngëtari.
