Justin Bieber njihet për jetën e tij të luskit dhe gjërat shumë të shtrenjta. Së fundmi këngëtari ka marrë makinën e tij të personalizuar Rolls Royce, për të cilën është punuar për 3 vite me radhë. Justin tashmë është pronari i makinës së personalizuar, e cila duket si një anije kozmike me rrota.
Autori i hitit “Lonely”është emocionuar dhe përlotur teksa ka parë makinën e tij prej argjendi për herë të parë dhe ëndrrën e bërë realitet.
“Çfarë, madje as nuk mund ta besoj”, u shpreh Bieber kur pa makinën e personalizuar.
Modeli unik u krijua nga West Coast Customs dhe dukej sikur është projektuar nga NASA. Themeluesi i kompanisë, Ryan Friedlinghaus zbuloi se iu deshën 3 vite për të krijuar makinën e ëndrrave të Bieber. Ai thotë se mbulimi i rrotave është në fakt një nga pikat kryesore të dizajnit unik, pasi makina duket sikur lundron teksa është duke lëvizur.
Pasi Justin bëri disa kërkime zbuloi se makina ishte thjesht një prototip dhe se nuk ishte e gatshme për shitje. Për këtë arsye ai foli me krijuesit e saj dhe kërkoi me patjetër një makinë të ndërtuar nga e para posaçërisht për të.
Ndërkohë kujtojmë se së fundmi Justin dhe Hailey Biber, i kanë thënë lamtumirë shtëpisë së tyre në Beverly Hills, të cilën e kanë shitur për 8 milionë dollarë gjatë kësaj jave.
