Prej disa ditësh në mediat online po flitet për propozimin romatik dhe fejesën e papritur të këngëtarit Justin Bieber me modelen Hailey Baldwin. Jo vetëm një fejesë e paparashikuar, por shumë shpejt pritet edhe dasma e tyre.
Burime të ndryshme po flasin se dyshja po bën planet për ta kurorëzuar dashurinë e tyre me martesë dhe po shfrytëzojnë çdo moment për të qenë pranë njëri-tjetrit.
Ndërkohë që sot në mediat online u bë publik çmimi marramendës i unazës me të cilën Justin i propozoi modeles, këngëtari i surprizoi të gjithë duke publikuar një foto intime në profilin e tij në Instagram. Ai dhe e fejuara e tij shfaqen në një vaskë teksa shkëmbejë puthje gjithë pasion.
Kjo foto vjen edhe si një konfirmimim i parë publik i fejesës së tyre.
Gjithësesi kjo nuk është hera e parë që Justin poston në rrjetet sociale foto të tilla, pasi edhe më parë ai ka ndarë me ndjekësit foto intime.
