Justin Bieber kërcënoi se do ta bëj profilin e tij në rrjetet sociale privat, nëse ndjekësit e tij vazhdojnë të shprehen në mënyrë urryese ndaj të dashurës së tij Sofia Richie. Dyshja janë parë shpesh kohët e fundit, ndërsa këngëtari u kërkoi fansave të tij që të ndalojnë së qeni të pakëndshëm, ndërkohë që çifti bënte “shopping” në Tokio, të dielën,
22-vjeçari u dërgoi një mesazh 77.6 milionë ndjekësve të tij në “Instagram”, duke u kërkuar që të ndalojnë së kritikuari paraqitjen e modeles 17-vjeçare: “Do ta bëj “Instagram”-in tim privat, nëse ju nuk ndaloni urrejtjen që po del nga kontrolli, nëse jeni vërtet fansa nuk duhet të tregoheni kaq të këqij me njerëzit që unë pëlqej”.
Mbrëmjen e djeshme, Selena Gomez i dërgoi një mesazh ish-të dashurit të saj Justin Bieber pasi ai u kërkoi atyre që të ndalonin së urryeri Sofia Richie, vajzën e re me të cilin ai po del.
“Nëse ju nuk mund ta mbani urrejtjen, atëherë ndaloni së publikuari foto të të dashurës”, komentoi Gomez në një nga fotot e tij me të. “Ajo duhet të jetë speciale midis ju të dyve vetëm. Mos u tërbo me fansat. Ata ju duan”.
Bieber shfaqet duke o kthyer përgjigje: “Është argëtuese të shikosh njerëzit që më përdorin mua për vëmendje dhe sërish përpiqen ta drejtojnë gishtin. E trishtë. Gjithë dashuri”.
Gomez ende nuk i ka kthyer përgjigje. Në vend të kësaj, ajo postoi një foto në “Instagram”-in e saj për t’i treguar botës se si i trajton ajo fansat.
Burimi: Harper’s Bazaar/Daily Mail
