Justin Bieber ka harruar tekstin e këngës së tij “Sorry” gjatë një kocerti që mbajti për Vitin e Ri. Dhe sigurisht ai nuk mund të bënte sikur s’kishte ndodhur asgjë, por si një djalë shumë i përgjegjshëm dhe i mirë që është bërë kohët e fundit i ka kërkuar falje fansave në Twitter për gabimin e tij.
“Harrova tekstin. Më falni!”-shkroi ai në statusin e tij. Në fillim të këngës ai thotë në koncert “You gotta go and get angry at all of my”, duke harruar fjalën “honesty”. Megjithatë, ai vijon më tej me vargun tjetër “You know I try but I don’t do too well with apologies”, kur kupton se kishte harruar një fjalë dhe përpiqet ta rikuperojë për të kapur ritmin.
“Harrova fjalët!”- thotë ai në skenë. Po ashtu, ai ngatërroi edhe disa fjalë të këngës “Love yourself”. Megjithatë, performanca e tij është vlerësuar shumë nga fansat dhe duhet ta pranojmë se na kishte munguar Justin në skenë, ndonëse ka qenë aktiv me projekte muzikore.
https://youtu.be/QeHusZXj-zQ
Koncerti u transmetua drejtpërdrejt në platformat online pasi për shkak të pandemisë s’mund të kishte publik e grumbullime.
Pavarësisht këtyre incidenteve, Justin Bieber e shijoi shumë koncertin e tij dhe u ndje krenarë për paraqitjen e bërë. Në një status në rrjetet sociale ai e cilësoi këtë natë si “të paharrueshme” dhe “mirënjohës” për mundësinë e dhënë.
