Justin Bieber dhe Hailey Baldwin u martuan fshehurazi në Nju Jork muajin e kaluar dhe madje nuk kanë nënshkruar as marrëveshje paramartesore.
Këngëtari 24-vjeçar dhe modelja 21 vjeçe, që kanë një pasuri me vlerë 250 milionë dollarë dhe 2 milionë dollarë respektivisht – shkëmbyen zotimet në të njëjtën ditë kur morën certifikatën e martesës në gjykatë më 13 shtator, shkruan “TMZ”.
Çifti kishte dëshmitar mikun e Bieber, Josh Mehl, i cili ishte i pranishëm në ceremoni.
Burimet për median raportuan se Hailey dhe Justin u kërkuan avokatëve një marrëveshje ligjore në të njëjtën ditë, por ajo nuk mund të hartohej dhe nënshkruhej aq shpejt.
Për më tepër, çifti nuk ka bërë asnjë lëvizje për të bërë një marrëveshje as tani që janë martuar ligjërisht.
Një burim pretendon se Justin është “aq i dashuruar saqë nuk e sheh nevojën për një marrëveshje të tillë”.
Çifti thuhet se po planifikon një ceremoni zyrtare, por do të jetë thjesht simbolike tani ata janë zyrtarisht burrë dhe grua.
